Yekaterinburgda o‘zbekistonlik diplomatlar va Rossiyadagi o‘zbek biznesmenlari uchrashuvi bo‘lib o‘tdi

Rossiyaning Yekaterinburg shahrida Ural federal okrugidagi O‘zbek milliy madaniyati markazlari va O‘zbekiston bosh konsulxonasi rahbarlari o‘rtasidagi birinchi uchrashuv bo‘lib o‘tdi, deya xabar bermoqda O‘zbekiston Tashqi ishlar vazirligi matbuot xizmati.

Biznes vakillari ishtirokidagi tadbirda o‘zaro hamkorlik masalalari, kelgusida birgalikdagi tadbirlar tashkillashtirish hamda Ural federal okrugi hududida bo‘lib turgan va murakkab qiyin vaziyata tushib qolgan vatandosh mehnat migrantlariga yordam berish bo‘yicha takliflar muhokama qilindi.

“Uchrashuv yakuniga ko‘ra Yekaterinburg shahrida Navro‘z bayramini birgalikda tashkil etish va o‘tkazish bo‘yicha kelishuvga erishildi”, — deyiladi TIV axborotida.