O‘zbekiston Respublikasi Prezidenti huzuridagi Davlat boshqaruvi akademiyasida Zulfiyaxonim qizlari safiga 2019-yilda qo‘shilgan iqtidor sohibalari bilan uchrashuv bo‘lib o‘tdi, deb yozadi O‘zA. Unda turli vazirlik va idoralar, ijodiy va jamoat tashkilotlarining vakillari, xotin-qizlar qo‘mitalarining faollari, ma’naviyat targ‘ibotchilari, o‘quvchi va talaba qizlar ishtirok etdi.
Mazkur tadbir avvalida ishtirokchilar poytaxtimizning Milliy bog‘ hududidagi Adiblar xiyobonida O‘zbekiston xalq shoiri Zulfiyaxonim Isroilova haykali poyiga gullar qo‘ydi. Taniqli yozuvchi va shoirlar bilan bo‘lib o‘tgan uchrashuvda qizlar mamlakatda milliy adabiyotni ravnaq toptirish, madaniyat va san’at sohalarini jadal rivojlantirish, yosh iste’dodlar parvozini bundan-da yuksaltirish, ularning ijodini xalqqa yaqindan tanishtirish borasidagi amaliy ishlarning mazmun-mohiyati bilan atroflicha tanishdi.
Uchrashuvda iqtidorli qizlarga badiiy-o‘quv adabiyotlaridan iborat esdalik sovg‘alari topshirildi.
Izoh (0)