3-mart, yakshanba kuni futbol bo‘yicha Italiya chempionatining 26-turi doirasida 6 ta o‘yin nihoyasiga yetdi.
Turning markaziy o‘yinida Karlo Anchelotti qo‘l ostidagi “Napoli” jamoasi o‘z maydonida Massimiliano Allegri boshliq “Yuventus” klubi bilan bahs olib bordi.
Uchrashuvning 25-daqiqasida mezbon jamoa darvozaboni Aleks Meret qizil kartochka bilan jazolanib, maydondan chetlatildi. 27-daqiqada jamoa hujumchisi Arkadiush Milik o‘rniga klubning asosiy darvozaboni David Ospina zaxiradan maydonga tushdi.
Oradan bir daqiqa o‘tib Miralem Pyanich hisobni ochgan bo‘lsa, 39-daqiqaga kelib Emre Jan Federiko Bernardeskining uzatmasini golga aylantirdi (2:0).
2-bo‘limning 47-daqiqasida Miralem Pyanich ikkinchi sariq kartochkani olib, maydondan chiqib ketishga majbur bo‘ldi. O‘yin yakuniga qadar jamoalar 10 kishidan bo‘lib harakat qildi.
Neapolliklar “Yuventus”ning ikkita goliga Xose Kalyexonning 61-daqiqada kiritgan goli bilan javob qaytardi.
Qayd etish joiz, 84-daqiqada “Napoli” yetakchisi Lorenso Insinye penaltidan unumli foydalana olmadi.
Shu tariqa Turin klubi qiyin kechgan o‘yinda “Napoli”ni kichik hisobda mag‘lubiyatga uchratdi (2:1) va navbatdagi 3 ochkoga ega bo‘ldi.
26-turdan so‘ng musobaqa jadvalidagi holat:
A Seriya
26-tur bahslari
3-mart, yakshanba
“Torino”—“Kyevo” 3:0
Gollar: 1:0 — 76 Belotti, 2:0 — 90+2 Rinkon, 3:0 — 90+3 Zaza“Jenoa”—“Frozinone” 0:0
“Udineze”—“Bolonya” 2:1
Gollar: 1:0 — 25 De Paul, 1:1 — 39 Palasio, 2:1 — 79 PussettoSPAL—“Sampdoriya” 1:2
Gollar: 0:1 — 4 Kvalyarella, 0:2 — 11 Kvalyarella, 1:2 — 90 Kurtich“Atalanta”—“Fiorentina” 3:1
Gollar: 0:1 — 3 Muryel, 1:1 — 28 Ilichich, 2:1 — 34 Gomes, 3:1 — 59 Gosens“Napoli”—“Yuventus” 1:2
Gollar: 0:1 — Pyanich, 0:2 — 39 Jan, 1:2 — 61 Kalyexon“Napoli”: Meret, Malkuit (Mertens, 46), Maksimovich, Kulibali, Xysay, Kalyexon (Ounas, 78), Allan, Fabian, Zelinski, Insinye, Milik (Ospina, 27)
“Yuventus”: Shesni, Kanselu (De Shilyo, 61), Kyellini, Bonuchchi, Sandro, Jan, Pyanich, Matyuidi, Bernardeski (Dibala, 85), Ronaldu, Manjukich (Bentankur, 74)
Ogohlantirishlar: Pyanich (34, 47), Kanselu (54), Maksimovich (77), Aleks Sandro (83), Kulibali (86), Allan (89), Bentankur (89), Dibala (90)
Chetlatishlar: Meret (25), Pyanich (47)
Yanada ko‘proq futbol va sport yangiliklaridan boxabar bo‘lishni istasangiz, “Daryo”ning Telegram’dagi rasmiy sport kanali — @daryo_sport’ga obuna bo‘ling!
Izoh (0)