2-mart kuni Toshkent vaqti bilan 23:59 da Uzbekistan Airways‘ning Toshkent — Sankt-Peterburg yo‘nalishi bo‘yicha parvozni amalga oshirgan Boeing-767 “Pulkovo” aeroportiga qo‘nish chog‘ida uchish-qo‘nish yo‘lagidan chiqib ketdi. Bu haqda kompaniya matbuot xizmati ma’lum qildi.
Havo kemasi shikastlanmadi, yo‘lovchilarni shoshilinch evakuatsiya qilish talab etilmadi. Hodisaga ob-havo sharoitlari va uchish-qo‘nish yo‘lagi holati sabab bo‘lishi mumkinligi bildirilmoqda.
Samolyot bortida 241 nafar yo‘lovchi va 15 nafar ekipaj a’zosi bo‘lgan.
Hodisa sabab HY632/02MAR19 reysining uchirilishi vaqti ko‘chirildi. Aviakompaniyaning Sankt-Peterburgdagi vakolatxonasi ushbu reys yo‘lovchilarini mehmonxonada joylashtirish chorasini ko‘rdi.
Rossiya tergov qo‘mitasi va Rosaviatsiya “Pulkovo” aeroportidagi holat yuzasidan tekshiruv olib bormoqda.
Izoh (0)