Venesuelaning amaldagi prezidenti Nikolas Maduro Karakasdagi mitingda Kolumbiya bilan diplomatik munosabatlari buzilganini e’lon qildi. Bu haqda “Novaya Gazeta” xabar berdi.
Xabarda aytilishicha, Venesuela va Kolumbiya chegarasida to‘qnashuvlar yuzaga kelgan.
Namoyishchilar tosh otmoqda, mushak va Molotov kokteylidan foydalanmoqda, lekin bu ish bermayapti.
Simon Bolivar ko‘prigi venesuelaliklar nazorati ostida, ular tobora yaqin kelmoqda.
Jabrlanganlar ko‘p. Politsiya ko‘zni yoshlantiruvchi gazdan foydalangan.
Keyinchalik qalampir ballonlari va rezina o‘qlardan foydalanilgan.
Veneseula chegaralarida otishmaning ovozi eshitilgan.
Venesuela milliy gvardiyasidan bir soldat taslim bo‘lgan. Chegara yaqinidagi qamishlar yondirilgan.
So‘nggi xabarlarga ko‘ra, Kolumbiya politsiyasi chegaradagi ko‘prikni bosib o‘tgan. Insonparvarlik yordam koalitsiyasi muammoni hal qilishga urinmoqda. 23 kishi Venesuela milliy gvardiyasidan Kolumbiyaga o‘tib, u yerdan boshpana izlagan.
Insonparvarlik yordamining Uren chegarasidan o‘tgan ikkita yuk mashinasi venesuelaliklar tomonidan yoqib yuborilgan.
Simon Bolivar ko‘prigida hozirda to‘rtta mashina turibdi, ulardan hech biri chegaradan o‘ta olmadi.
Dastlab namoyishchilar yuk mashinadan ko‘zni yoshlantiruvchi gaz sepilgan ko‘prikka chiqishni xohlamagan haydovchini tushirib yuborishga intilgan.
Avvalroq, Venesuelada o‘zini prezident deb e’lon qilgan Xuan Guaydo o‘zining twitter sahifasida Braziliya chegarasidan Venesuelaga insonparvarlik yordami ortilgan yuk mashinasi o‘tganini yozgan.
Keyinroq Globo telekanali mashina Braziliyaga qaytib ketganini xabar qilgan.
Venesuela hukumati 23-fevral kuni AQShdan insonparvarlik yordami ortilgan yuk mashinalarini kiritmaslik uchun Kolumbiya bilan chegarani qisman yopishga qaror qilgan. Mamlakatga 600 tonna insonparvarlik yordami ortilgan 10 ta yuk mashinasini yuborish rejalashtirilgan edi.
Maduro Braziliya va Karib dengizidagi uchta orol — Aruba, Kyurasao va Bonayre orollari bilan chegara yopilganini e’lon qilgan.
Eslatib o‘tamiz, Venesuela milliy assambleya spikeri Xuan Guaydo 23-yanvar kuni o‘zini vaqtinchalik prezident vazifasini bajaruvchi deb e’lon qilgan edi. Venesuelaning amaldagi prezidenti Nikolas Maduro AQSh bilan diplomatik aloqalar buzilganini e’lon qilgach, AQSh Xuan Guaydoni “o‘tish davrining prezidenti” deya tan olgan. Guaydoni, shuningdek, Isroil, Buyuk Britaniya va Niderlandiya kabi davlatlar ham Venesuela prezidenti sifatida tan olgan. Rossiya esa Maduro hukumatini qo‘llab-quvvatlamoqda.
Izoh (0)