Мадуро Венесуэла ва Колумбиянинг дипломатик муносабатлар бузилганини эълон қилди

Венесуэланинг амалдаги президенти Николас Мадуро Каракасдаги митингда Колумбия билан дипломатик муносабатлари бузилганини эълон қилди. Бу ҳақда «Новая Газета» хабар берди.

Хабарда айтилишича, Венесуэла ва Колумбия чегарасида тўқнашувлар юзага келган.

Намойишчилар тош отмоқда, мушак ва Молотов коктейлидан фойдаланмоқда, лекин бу иш бермаяпти.

Симон Боливар кўприги венесуэлаликлар назорати остида, улар тобора яқин келмоқда.

Жабрланганлар кўп. Полиция кўзни ёшлантирувчи газдан фойдаланган.

Кейинчалик қалампир баллонлари ва резина ўқлардан фойдаланилган.

Венесеула чегараларида отишманинг овози эшитилган.

Венесуэла миллий гвардиясидан бир солдат таслим бўлган. Чегара яқинидаги қамишлар ёндирилган.

Сўнгги хабарларга кўра, Колумбия полицияси чегарадаги кўприкни босиб ўтган. Инсонпарварлик ёрдам коалицияси муаммони ҳал қилишга уринмоқда. 23 киши Венесуэла миллий гвардиясидан Колумбияга ўтиб, у ердан бошпана излаган.

Инсонпарварлик ёрдамининг Урен чегарасидан ўтган иккита юк машинаси венесуэлаликлар томонидан ёқиб юборилган.

Симон Боливар кўпригида ҳозирда тўртта машина турибди, улардан ҳеч бири чегарадан ўта олмади.

Дастлаб намойишчилар юк машинадан кўзни ёшлантирувчи газ сепилган кўприкка чиқишни хоҳламаган ҳайдовчини тушириб юборишга интилган.

Аввалроқ, Венесуэлада ўзини президент деб эълон қилган Хуан Гуайдо ўзининг тwиттер саҳифасида Бразилия чегарасидан Венесуэлага инсонпарварлик ёрдами ортилган юк машинаси ўтганини ёзган.

Кейинроқ Globo телеканали машина Бразилияга қайтиб кетганини хабар қилган.

Венесуэла ҳукумати 23 февраль куни АҚШдан инсонпарварлик ёрдами ортилган юк машиналарини киритмаслик учун Колумбия билан чегарани қисман ёпишга қарор қилган. Мамлакатга 600 тонна инсонпарварлик ёрдами ортилган 10 та юк машинасини юбориш режалаштирилган эди.

Мадуро Бразилия ва Кариб денгизидаги учта орол ­— Аруба, Кюрасао ва Бонайре ороллари билан чегара ёпилганини эълон қилган.

Эслатиб ўтамиз, Венесуэла миллий ассамблея спикери Хуан Гуайдо 23 январь куни ўзини вақтинчалик президент вазифасини бажарувчи деб эълон қилган эди. Венесуэланинг амалдаги президенти Николас Мадуро АҚШ билан дипломатик алоқалар бузилганини эълон қилгач, АҚШ Хуан Гуайдони «ўтиш даврининг президенти» дея тан олган. Гуайдони, шунингдек, Исроил, Буюк Британия ва Нидерландия каби давлатлар ҳам Венесуэла президенти сифатида тан олган. Россия эса Мадуро ҳукуматини қўллаб-қувватламоқда.