“Yuventus”ning portugaliyalik hujumchisi Krishtianu Ronaldu Italiya chempionatining 23-turida “Sassuolo”ga qarshi kechgan o‘yinda gol urdi (3:0). Bu futbolchining joriy mavsum barcha musobaqalardagi 20-goli bo‘ldi.
Shunday qilib portugaliyalik ketma-ket 13 ta mavsumda kamida 20 tadan gol urdi.
U “Manchester Yunayted” klubida 3 ta mavsum, Madridning “Real” klubida esa 9 ta mavsum kamida 20 ta golga mualliflik qildi.
34 yoshli Ronaldu 2018-yilning yozida “Real”dan 117 million yevro evaziga “Yuventus” tarkibiga kelib qo‘shilgandi.
Eslatib o‘tamiz, hujumchi Italiya chempionatida 23 ta o‘yinda maydonga tushib, 18 ta gol urdi va 7 ta golga assistentlik qildi. Uning klub bilan tuzgan shartnomasi 2022-yilning yoziga qadar amal qiladi.
Yanada ko‘proq futbol va sport yangiliklaridan boxabar bo‘lishni istasangiz, “Daryo”ning Telegram’dagi rasmiy sport kanali — @daryo_sport’ga obuna bo‘ling!
Izoh (0)