O‘zbekiston Davlat bojxona qo‘mitasi tomonidan chegara-bojxona postlarida chiqish yo‘nalishida navbatda turgan yengil va yuk avtotransport vositalari va avtobuslar soni to‘g‘risidagi ma’lumotlarni taqdim etadi , deya xabar beradi “Gazeta.uz”.
DBQ saytining maxsus bo‘limida, chegara bojxona postlarida bir sutka davomida respublikaga kirgan yoki chiqqan avtotransport vositalari soni to‘g‘risidagi ma’lumotlarni ham ko‘rish mumkin.
Bu yangilik eng avvalo chegara bojxona postlarida yengil va yuk avtotransport vositalari tirbandliklarning oldini olish bilan bir qatorda tashuvchilarga navbatda turgan avtotransport vositalari sonidan kelib chiqib, harakatlanish yo‘nalishlarini o‘zgartirishlarida ham yordam beradi.
Mazkur tablo Davlat bojxona qo‘mitasining “Avto” yagona avtomatlashtirilgan axborot tizimiga integratsiyalashtirilgan bo‘lib, undagi ma’lumotlar har 6 soatda avtomatik ravishda yangilanadi.
Izoh (0)