Xonobod shahrining Fitrat nomidagi mahallasida yashovchi Ne’matjon Hamdamov (ism-sharifi shartli) xonadonida giyohvand modda saqlaganligi uchun qo‘lga olindi. Bu haqda “Xalq so‘zi” xabar berdi.
— U kishining qilmishini umuman oqlab bo‘lmaydi, — deydi mahalla fuqarolar yig‘ini raisi Faridaxon Matxoliqova. — Boisi, Ne’matjon Hamdamov 67 yoshni qoralagan, aslida barchaga maslahat berib, namunali xulqi bilan ibrat ko‘rsatishi kerak.
Shahar ichki ishlar bo‘limi xodimlari tomonidan o‘tkazilgan tadbirda aniqlanishicha, fuqaro o‘z xonadonida 25 gramm miqdorida marixuana giyohvand moddasini saqlab kelgan.
Hudud profilaktika inspektori, katta leytenant Shavkat Mirzayevning ma’lum qilishicha, u muqaddam giyohvand moddasini saqlash, iste’mol qilish va qotillik jinoyatlarini sodir etgan. Shu bois ichki ishlar hamda mahalla faollari e’tiborida bo‘lgan. Bekorchilik tufayli yana salbiy illatlarga qo‘l urishining oldini olish maqsadida doimiy ish joyi bilan ham ta’minlagandi.
Izoh (0)