Irlandiyaning Ookla kompaniyasiga qarashli Speedtest internet-servisi har oylik Speedtest Global Index reytingini e’lon qiladi. Bu haqda “Spot” xabar berdi.
Unda 2018-yilning dekabr oyi natijalari bo‘yicha olingan butun dunyodagi mobil va simli internet tezligi bo‘yicha ma’lumotlar mavjud.
Mobil internet tezligi bo‘yicha ushbu davrda O‘zbekiston uch pog‘onaga paslagan va 9,97 Mbit/s tezlik bilan 125 dan 111-o‘ringa tushgan.
Simli internet tezligi bo‘yicha tezlik uch pog‘onaga oshgan bo‘lib, 10,11 Mbit/s tezlik bilan 121 dan 108-o‘ringa yuqorilagan.Shunday qilib servis O‘zbekistonda 2018-yilda internet tezligining keskin oshganini sezmagan:
Mobil internet tezligi bo‘yicha birinchi o‘rinni Islandiya saqlab qolgan (72,77 Mbit/s), simli internet bo‘yicha esa Singapur (190,94 Mbit/s) egallagan.Speedtest internet-servisi mamlakatlardagi internet tezligini o‘zining ulanish tezligini tekshirish uchun saytdan foydalangan foydalanuvchilardan olingan ma’lumotlar asosida aniqlaydi.Forbes’ning yozishicha mazkur servis reytingiga bir oyda kamida mobil internet bo‘yicha 670 ta noyob tekshiruv hamda simli internet bo‘yicha 3333 noyob tekshiruv amalga oshirgan mamlakatlar kiradi.
TechCrunch Speedtest’ni internet tezligini aniqlaydigan asosiy servislardan biri deb sanaydi.Avvalroq “O‘zbektelekom” mamlakatda internetning o‘tkazish imkoniyati 10 martaga oshgani haqida ma’lum qilgandi.
Izoh (0)