O‘zbekistonning xalqaro obligatsiyalarini chiqarish va joylashtirish chora-tadbirlari to‘g‘risida hukumat qarori qabul qilindi. Bu haqda “Huquqiy axborot” kanali ma’lum qildi.
Qarorga muvofiq, Moliya vazirligi quyidagi operatsiyalarni amalga oshirishi belgilandi:
xalqaro moliya bozorida O‘zbekiston nomidan xalqaro obligatsiyalar emitenti bo‘lib ishtirok etish;
xalqaro obligatsiyalarni chiqarish va joylashtirish bo‘yicha shartnoma va bitimlar tuzish;
xalqaro obligatsiyalar bo‘yicha to‘lovlarni amalga oshirish;
tegishli bank xisob varaqlarini ochish va yuritish.
Qaror bilan Moliya vaziriga xalqaro obligatsiyalarni chiqarish va joylashtirish bo‘yicha shartnoma va bitimlarni imzolash vakolati berildi. Mazkur bitim va shartnomalar bo‘yicha Adliya vazirligi tomonidan yuridik xulosa berilishi lozim.
Izoh (0)