Bosh prokuratura huzuridagi Departamentning Toshkent shahar boshqarmasi xodimlari tomonidan Toshkent shahar IIBB xodimlari bilan hamkorlikda o‘tkazilgan tezkor tadbirda, fuqaro A.M. va J.Q.lar oldindan til biriktirib, har bir AQSh dollarini 8470 so‘mdan hisoblab, 10000 AQSh dollarini 84,7 mln. so‘mga noqonuniy ravishda sotgan vaqtda ushlangan. Bu haqda Bosh prokuratura xabar bermoqda.
Bundan tashqari, tadbir davomida fuqaro A.M.dan 15200 AQSh dollari, fuqaro J.Q.dan 5000 Rossiya rubli va 200 AQSh dollari ashyoviy dalillar sifatida olingan.
Mazkur holat yuzasidan jinoyat ishi qo‘zg‘atilib, tergov harakatlari o‘tkazilmoqda.
Izoh (0)