Avstraliya 18 yoshli Raxave Alkanun ismi qizga boshpana berish masalasini diqqat bilan ko‘rib chiqmoqda. Qiz Saudiya Arabistonidan qochib ketganidan keyin Bangkok aeroportida qariyb to‘rt kunni o‘tkazgan. Bu haqda “RIA Novosti” xabar berdi.
BMTning qochoqlar ishi bo‘yicha Oliy komissari boshqarmasining Bangkok vakolatxonasi xodimlari 8-yanvar kuni tranzit hududida qariyb to‘rt kun qolib ketgan qizni aeroport binosidan olib chiqqan. Tailand hukumati qizga mamlakatda besh kun qolishga ruxsat bergan. Bu vaqt ichida BMT xodimlari qochoq qizga doimiy boshpana berishga tayyor mamlakatni topishi kerak.
Alkanun ijtimoiy tarmoqlarda o‘zining qochib ketgani va buning sababi haqida hikoya qilgan. Qizning ma’lum qilishicha, u Saudiya Arabistonidan qochib ketishga qaror qilgan, chunki oilasi uni o‘z xohishiga qarshi turmushga berishga urinmoqda. Qizning so‘zlariga ko‘ra, vatanida uni qamoq kutmoqda, ozod bo‘lganidan keyin esa oilasi sha’nini toptagani uchun qarindoshlari qo‘lida o‘lishi mumkin.
Izoh (0)