Andijon viloyati Xo‘jaobod tumanidagi hayvonot bog‘i qorovuli sherlar g‘ajib tashlashi oqibatida halok bo‘lgani xabar qilingandi.
“Zamon” dasturida ushbu hodisa sodir bo‘lgan vaqtdagi video kameralar qayd etgan yozuvlar ko‘rsatildi, deya xabar berdi UZ24.
Tasvirlarda qorovul 2018-yilning 30-dekabr kuni 16:39 da sherlar saqlanadigan qafasning yoniga kelganini ko‘rish mumkin. Dastlab ushbu qafas yonida bir oz turgan. So‘ngra 16:42 da qafasga kirib ketgan. Soat 16:50 bo‘lishiga qaramay, qorovul qafasdan qaytib chiqmagan.
Sud-tibbiy ekspertizasi ma’lumotnomasiga ko‘ra, “bo‘yin va tananing boshqa sohalarida ko‘plab ochiq yaralar, tananing orqa yuzasida ko‘plab o‘tkir botiq yaralar jarohatlari” yetkazilishi va o‘tkir qon tomir yetishmovchiligi natijasida voqea joyida vafot etganligi aniqlangan.
Ma’lum bo‘lishicha, 45 yoshli Xudoyberdiyev Alimardon 2018-yilning 24-dekabrida hayvonot bog‘iga qorovul bo‘lib ish boshlagandi.
Holat yuzasidan tergovga qadar tekshiruv ishlari boshlangan.
Izoh (0)