2019-yilda energetika, jumladan, neft va gaz sohasini boshqarish bo‘yicha yagona davlat siyosatini amalga oshiruvchi davlat organini tashkil etish ko‘zda tutilmoqda. Bu haqda Davletovuz Telegram-kanalida ma’lum qilindi.
Shuningdek, transport, jumladan, havo, temir yo‘l va avtomobil transporti sohasini boshqarish bo‘yicha yagona davlat siyosatini amalga oshiruvchi davlat organi ham tuziladi.
Transport sohasida “O‘zbekiston temir yo‘llari” AJ va “O‘zbekiston havo yo‘llari” MAKdan davlat-hokimiyat vazifalarini transport sohasidagi yangi davlat boshqaruv organiga beriladi.
Bu o‘zgarishlar jamoatchilik muhokamasi uchun taqdim etilgan “Faol investitsiyalar va ijtimoiy rivojlanish yili” davlat dasturi loyihasida nazarda tutilgan.
Hujjat loyihasi 249 ta banddan iborat bo‘lib, Prezidentning 2018-yil 28-dekabr kuni Oliy Majlisga tadqim etgan murojaatnomasida keltirilgan g‘oya va takliflar hamda Harakatlar strategiyasida belgilangan asosiy vazifalarni inobatga olgan holda ishlab chiqilgan.
Izoh (0)