Jurnalist Jamol Qoshiqchining jasadi Saudiya Arabistoni konsulligidan olib chiqilayotgani ko‘rsatildi

Turkiyada Istanbuldagi Saudiya Arabistoni konsulligidan taxminlarga ko‘ra jurnalist Jamol Qoshiqchining jasadi olib chiqilayotgan video namoyish etildi.

Videoyozuvda bir necha kishi konsullikning asosiy kirish eshigidan beshta chamadon olib chiqilayotgani aks etgan. Mazkur videoni “Xaber” telekanali ko‘rsatdi. Mamlakat hukumati mazkur videoyozuvni sharhlamadi.

Dastlabki malumotlarga ko‘ra, Jamol Qoshiqchi konsullik binosida o‘ldirilgan. Anqarada mazkur buyruqni Saudiya Arabistoni shahzodasi Muhammad ibn-Salmon bergan deya tahmin qilinmoqda. Ar-Riyodda jinoyatga aloqadorlar qo‘lga olinganligi aytilmoqda, ammo bu ishga mansabdorlarning aloqadorligini rad qilinmoqda.