Boeing 737 samolyoti fuqarolik aviatsiyasi tarixida eng ommabop yo‘lovchi samolyoti sanaladi. Bu haqda National Geographic xabar berdi.
Uning ilk avlodi 1967-yildan parvoz qila boshlagan, hozirgi kungacha esa uning o‘nta modifikatsiyasi yetib kelgan. Eski modeldan qutilish maqsadida Efiopiyaning milliy aviatashuvchisi 2012-yilda laynerni auksionda 1,5 million dollarga sotdi. Samolyotni Addis-Abebadan bo‘lgan tadbirkor Guttama Gutta sotib oldi.
U biznesini yangi ko‘ngilochar markaz ochib kengaytirish maqsadida bo‘lgan. Samolyotni ko‘rgan Gutta uni zamonaviy qahvaxonaga aylantirishi mumkinligini tushundi. U oson bo‘lmasa-da, buning uddasidan chiqdi. Tadbirkorni kutayotgan birinchi murakkablik yetkazib berish bosqichida tug‘ildi: masofa 15 kilometrni tashkil qilgan bo‘lsada bunga yetti soat vaqt sarflandi.
Laynerni og‘ir yuk tashuvchi tirkamaga yuklashdan oldin uning qanotlari demontaj qilindi. Keyin esa yangi “joy” ikki yil ta’mirlanib, 2014-yilning noyabrida uzunligi 34 metrni, kengligi 14 metrni tashkil qilgan qahvaxona o‘zining ilk mehmonlarini qabul qildi.
Qahvaxona o‘zining originalligi bilan darhol mashhurlikka erishdi, keyin esa samolyot mexanizmida paydo bo‘lgan arilar unga yanada mashhurlik olib keldi. Qahvaxona ma’muriyati bundan foydalanib samolyotdagi arilardan asal olishni boshladi. Endi bu yerda asaldan mazza va sifat bo‘yicha tengsiz bo‘lgan shirinlik olinadi.
Qahvaxonaga tashrif buyuuvchilar asalli ichimliklarni Efiopiyadagi barcha qahvaxonalarda buyurtma qilish mumkinligini, ammo ular bu yerdagi kabi mazzali emasligini qayd etadi.
Qahvaxonada oddiy samolyotdagi kabi ekonom-klass va VIP-zona mavjud, samoyotning umumiy sig‘imi 60 kishini tashkil qiladi.
Izoh (0)