Эфиопияда эски самолёт қаҳвахонага айлантирилди

Boeing 737 самолёти фуқаролик авиацияси тарихида энг оммабоп йўловчи самолёти саналади. Бу ҳақда National Geographic хабар берди.

Унинг илк авлоди 1967 йилдан парвоз қила бошлаган, ҳозирги кунгача эса унинг ўнта модификацияси етиб келган. Эски моделдан қутилиш мақсадида Эфиопиянинг миллий авиаташувчиси 2012 йилда лайнерни аукционда 1,5 миллион долларга сотди. Самолётни Аддис-Абебадан бўлган тадбиркор Гуттама Гутта сотиб олди.

У бизнесини янги кўнгилочар марказ очиб кенгайтириш мақсадида бўлган. Самолётни кўрган Гутта уни замонавий қаҳвахонага айлантириши мумкинлигини тушунди. У осон бўлмаса-да, бунинг уддасидан чиқди. Тадбиркорни кутаётган биринчи мураккаблик етказиб бериш босқичида туғилди: масофа 15 километрни ташкил қилган бўлсада бунга етти соат вақт сарфланди.

Лайнерни оғир юк ташувчи тиркамага юклашдан олдин унинг қанотлари демонтаж қилинди. Кейин эса янги «жой» икки йил таъмирланиб, 2014 йилнинг ноябрида узунлиги 34 метрни, кенглиги 14 метрни ташкил қилган қаҳвахона ўзининг илк меҳмонларини қабул қилди.

Қаҳвахона ўзининг оригиналлиги билан дарҳол машҳурликка эришди, кейин эса самолёт механизмида пайдо бўлган арилар унга янада машҳурлик олиб келди. Қаҳвахона маъмурияти бундан фойдаланиб самолётдаги арилардан асал олишни бошлади. Энди бу ерда асалдан мазза ва сифат бўйича тенгсиз бўлган ширинлик олинади.

Қаҳвахонага ташриф буюувчилар асалли ичимликларни Эфиопиядаги барча қаҳвахоналарда буюртма қилиш мумкинлигини, аммо улар бу ердаги каби маззали эмаслигини қайд этади.

Қаҳвахонада оддий самолётдаги каби эконом-класс ва VIP-зона мавжуд, самоётнинг умумий сиғими 60 кишини ташкил қилади.