Toshkent MDH davlatlari orasida Yangi yil bayrami va qishki sayohatlar uchun eng yaxshi shaharlar ro‘yxatida oltinchi o‘rinni egalladi, deb yozadi Turon24.
“TurStat” tahliliy agentligi tomonidan tuzilgan reytingda Minsk, Boku va Ostona dastlabki uch o‘rinni band etgan. Agentlik tahliliga ko‘ra, Belarus, Ozarbayjon hamda Qozog‘istondagi tog‘-chang‘i kurortlari sayyohlar tomonidan ko‘p ovoz to‘plagan.
MDH mamlakatlari reytingi 2018—2019-yil qishki mavsumda sayyohlar safarlari ommaviyligini tahlil qilish asosida tuzilgan. Agentlikning ta’kidlashicha, turistlar MDH shaharlariga o‘rtacha uch kundan yetti kungacha keladi. Sayyohlar arzon narxlardagi sayohatlar uchun odatda O‘zbekiston yoki Moldovani, dam olish kunlari va shoping uchun ko‘proq Boku hamda Ostonani tanlagan.
Izoh (0)