2-dekabr, yakshanba kuni Irlandiyaning Dublin shahrida Yevro—2020 musobaqasining saralash bosqichiga qur’a tashlash marosimi o‘tkazildi.
Yevro—2020 musobaqasining saralash bosqichida 55 ta jamoa 10 ta guruhga (5 yoki 6 tadan) ajratilgan. Guruh bosqichi 2019-yil mart oyida boshlanadi. Guruhlardan eng yaxshi ikki jamoa Yevro—2020 final bosqichiga yo‘l oladi. Qolgan 4 ta yo‘llanma esa 2020-yil martida o‘tish o‘yinlari orqali o‘z egasini topadi. UEFA ijroqo‘mi qaroriga ko‘ra, Gibraltar va Ispaniya, Bosniya va Gersegovina hamda Kosovo, Kosovo va Serbiya jamoalari saralashda bitta guruhda duch kelishining oldi olindi.
Qur’a natijalari
- “A” guruhi: Angliya*, Chexiya, Bolgariya, Chernogoriya, Kosovo*.
- “B” guruhi: Portugaliya*, Ukraina*, Serbiya*, Litva, Lyuksemburg.
- “C” guruhi: Niderlandiya*, Germaniya, Shimoliy Irlandiya, Estoniya, Belarus*.
- “D” guruhi: Shveysariya*, Daniya*, Irlandiya, Gruziya*, Gibraltar.
- “E” guruhi: Xorvatiya, Uels, Slovakiya, Vengriya, Ozarbayjon.
- “F” guruhi: Ispaniya, Shvetsiya*, Norvegiya*, Ruminiya, Farer orollari, Malta.
- “G” guruhi: Polsha, Avstriya, Isroil, Sloveniya, Makedoniya*, Latviya.
- “H” guruhi: Fransiya, Islandiya, Turkiya, Albaniya, Moldova, Andorra.
- “I” guruhi: Belgiya, Rossiya, Shotlandiya*, Kipr, Qozog‘iston, San-Marino.
- “J” guruhi: Italiya, Bosniya va Gersegovina*, Finlyandiya*, Gretsiya, Armaniston, Lixtenshteyn.
Izoh (0)