Shvetsiya iqtisodidagi naqd pul ulushi 1 foizni tashkil qilmoqda

Shvetsiyadagi naqd pul aylanmasi rekord darajaga yetib, iqtisoddagi ulushi 1% ni tashkil qilmoqda. Bu haqda “Korrespondent.net” xabar bermoqda.

Ma’lum qilinishicha, naqd pul aylanmasining so‘nggi foizini naqdsizlantirish vazifasi — eng qiyin va uning xarajatlari kattadir.

Shvetsiya Markaziy banki raisi o‘rinbosari Sesilliya Skingsliga ko‘ra, mamlakat aholisining katta qismi naqd puldan voz kechib, qiyinchiliklar sezmagan. 18–24 yosh toifasidagi aholi tomonidan xaridlarning 95 foizi naqdsiz ko‘rinishda amalga oshirilgan. Swish naqsdsiz pul o‘tkazish dasturini Shvetsiya aholisining yarmidan ortig‘i yuklab olgan.

Bugungi kunda Shvetsiyada naqd pul qabul qilmaydigan restoran, bank yoki do‘konlar soni kundan kunga ortib bormoqda. Shuningdek, minglab shvetsiyaliklar o‘z qo‘llarining terisi ostiga maxsus chiplar o‘rnatib, jamoat transporti va savdo do‘konlarida kichik xaridlarni amalga oshirishni boshlagan.