Kolabasa mahsulotlarini ishlab chiqaruvchi eng eski brendlardan biri bo‘lgan “Rozmetov” bu yili bir nechta oddiy bo‘lmagan sinovlarni boshidan kechirdi: yangi mahsulotlar qatorini ishga tushirdi, yetkazib berish nuqtalari geografiyasini kengaytirdi, rebrendingni amalga oshirdi.
“Rozmetov” kolbasa mahsulotlari zavodining asoschisi bo‘lmish Ziyoviddin Rozmetovdan oilaviy brend qanday paydo bo‘lgani, nima uchun ko‘p yillardan buyon uning shaxsan o‘zi sexga borishi va maxfiy xaridor sifatida do‘konga borganida iste’molchilardan qanday qilib qayta aloqaga ega bo‘lishi haqida bilib oldik.
Brend necha yoshda? Shaxsan siz necha yildan beri bu biznes bilan shug‘ullanasiz?
- Kompaniyamiz 29 yoshda, kelgusi yil biz uning 30 yilligini nishonlaymiz. Qachonlardir buning barchasi “O‘zbekiston” mehmonxonasida joylashgan kichik bir sexdan boshlangan. O‘sha, uzoq 1989-yilda biz juda jiddiy davlat standartartlariga rioya qilganmiz, va shu bilan birga sifat har doim bizning ustuvor vazifamiz bo‘lib qolgan. O‘sha yili ham “Farhod” yarimdudlangan kolbasasini ishlab chiqardik va joriy etdik va u “Made in Uzb” qatoridagi ilk kolabasalardan biri bo‘lgan. Biz ushbu brendni nafaqat saqlab qolish, balki uni kengaytira olganimizdan juda mamnunmiz.
Aynan, o‘sha paytda, bu tajriba sifatidagi kolbasa bo‘lib, uning asosida ta’m va konsistensiya haqida izoh va sharhlar to‘plaganmiz. 11 yil o‘tib esa, 2000-yilda bizning birinchi zavodimizni ishga tushirdik.
Ishlab chiqarishni ham aynan o‘zingiz nazorat qilasizmi? Nima uchun?
- Ha, chunki doimo yuqori sifat mening asosiy maqsadim bo‘lib kelgan. Men har qanday pul yoki daromad uchun hech qachon sifatni xavf ostiga solmayman. Balki shuning uchun ham tez bo‘lmasa-da, atrofli darajada rivojlanib kelmoqdamiz. Bu bizning “Oiladan oilaga” shiorimizda ham aks ettirilgan.
Yo‘lingizda qanday qiyinchiliklar uchraydi? Nima uchun qandaydir mahsulotlar qatori paydo bo‘lib, keyin yana yo‘q bo‘lib qoladi?
- Har qanday biznes turli xildagi qiyinchiliklarga duch keladi. Bu degani u – tirik, u bir joyda turmasdan doimi rivojlanadi. Bizning kompaniyamiz ham turli bosqichlarni boshidan kechirgan va hech nimaga qaramasdan biz yangi bosqichga chiqa olganimizdan hursandmiz. Ba’zi mahsulotlarning yo‘qolishi va paydo bo‘lishi oddiy hol hisoblanadi, bu faslga, mijozlarning ta’miga, texnologik nyuanslarga bog‘liq.
Savol aynan iste’molchilar uchun. Ayni paytda kompaniya rebrendingni boshidan o‘tkazdi. Nimalar o‘zgardi? Mijozlar nimalarni kutishi lozim?
- Yangicha tarzda uzatilgan sevimli kolabasani. Biz qadoqni emas, logotipni yangiladik. Kolbasa sifatiga bu ta’sir etgani yo‘q, aksincha, biz doimiy ravishda retseptura va texnologiyalarni takomillashtiramiz. Endi biz rivojlanish yo‘lini yanada aniqroq ko‘rgan holda, qadriyatlarimiz yangi iste’molchilarimizning qalbiga yetib borishiga ishonamiz.
Siz tanqidga qanday qaraysiz? Izohlarni kuzatish kerakmi? Ularga qanday ahamiyat berish kerak?
- Juda ham yaxshi qarayman! Biz doimo barcha sharhlarga e’tibor beramiz - onlayn, oflayn rejimda va doimo iste’molchi sharhlariga zudlik bilan javob qaytaramiz. Bizda “ishonch telefoni” mavjud bo‘lib, u yerga mijozlarimiz qo‘ng‘iroq qilib, o‘z taklif va so‘rovlarini qoldirishlari mumkin. Bundan tashqari, ko‘pincha do‘konlarga “yashirin xaridor” sifatida boraman, xaridorlarning tanlaganlarini ko‘rib chiqaman, nima uchun bu yoki boshqa tanlovni amalga oshirganlarini tahlil qilaman.
Rebrending taqdimotidagi ma’ruzangizda “Rozmetov”ning asosiy qiymati oila va sizning oilangizda ishlaydigan odamlar ekanini aytgandingiz. Sizning kompaniyangizda qanday qilib karyera qurish mumkin? Yangi xodimlarni yollaganingizda nimalarga ahamiyat berasiz?
- Bizning jamoamiz ham, aslida, oila. Biz o‘zimizga yaqin bo‘lgan, qadriyatlarimizni ulashadigan va rivojlanishga tayyor bo‘lgan odamlarni olamiz. Shaxsan men har bir xodimning rivojlanish istagini eng yuqori baholayman. O‘z navbatida, men har bir jamoa a’zosining doimo o‘rganish, o‘sib borish imkoniyati borligini ta’minlashga harakat qilaman.
Siz kompaniyangizning qaysi uchta fazilatini ta’kidlay olasiz? “Rozmetov” bozorda nima bilan farq qiladi?
- Birinchi va eng muhimi, mahsulotni “o‘zimiz uchun” kabi qilamiz. Ikkinchisi - bizning barqarorligizmiz va ishonchliligimiz, chunki kompaniyamiz tarixga ega brend bo'lib, u 1989-yildan buyon bozorda mavjud. Uchinchisi esa, ehtimol, oilaviy boshqaruvning tamoyillaridir. Biz haqiqatdan ham faqatgina bir jamoadan ko‘ra ko‘prog‘ini to‘plashga muvaffaq bo‘ldik, va bu faqatgina oddiy so‘zlar emas.
Kolbasa uyi rebrendingdan so‘ng nimalar bilan mashg‘ul bo‘ladi? O‘quvchilarimizga hozir qanday yangiliklarni aytishga tayyorsiz?
- Kompaniya bir joyda turmaydi: doimiy ravishda kengayib, sifatni barqarorlashtiramiz va ko‘plab yangi mahsulotlarni tayyorlaymiz.
Reklama huquqi asosida
Izoh (0)