Қорақалпоғистон Республикасида қиш мавсумида ёнғин хавфсизлигини таъминлаш борасида аҳоли турар жойлари ва 3 мингдан зиёд кўп қаватли уйларда яшовчи фуқаролар хонадонлари, уйларнинг ертўлалари ёнғинга қарши ҳолати тўлиқ текшириб чиқилди, деб хабар берди ЎзА.
Текширувлар якуни бўйича халқ хўжалиги масканлари ва хонадонларда аниқланган камчиликлар юзасидан тегишли идораларга 800 га яқин ахборотнома, корхона ва ташкилотларнинг юқори органларига 600 дан ортиқ тақдимномалар киритилди. Ёнғин хавфсизлиги қоида ва талабларини бузган 2 минг 42 нафар мансабдор, жавобгар шахс ҳамда фуқароларга нисбатан 107 миллион сўмдан ортиқ миқдорда маъмурий жарималар солинди.
Қорақалпоғистонда жорий йилнинг ўтган даврида 660 дан ортиқ ёнғин содир бўлган. Бу ўтган йилнинг шу даврига нисбатан ёнғинлар 1,3 фоизга камайганини кўрсатади. Содир бўлган ёнғинлар келтирган моддий зарар қарийб 4 миллиард 700 миллион сўмни ташкил қилган.
Изоҳ (0)