Sankt-Peterburgda dorboz 27-qavat balandligidagi dordan yurib o‘tdi (video)

Sankt-peterburglik dorboz Engels prospektida ko‘p qavatli uylar orasiga tortilgan arqondan yurib o‘tdi, deb yozadi “RIA Novosti”.

U bir necha marta dordan tushib ketib, ehtiyot kamari bilan osilib qoldi, shundan so‘ng yana arqonga chiqib olib, yurishda davom etdi. Ijtimoiy tarmoqlarda tarqalgan videoga qaraganda, dor taxminan 27-qavat balandligida tortilgan.

Videoda aks etgan dorboz alpinist Aleksandr Gribanov ekanligi taxmin qilinmoqda.

“MK.ru” xabariga ko‘ra, dorbozlar — bir erkak va ikki ayolni tryukdan keyin pastda OAVlar, favqulodda vaziyatlar vazirligi xodimlari va politsiya “kutib olgan”. Ularni qo‘lga olib, politsiya idorasiga olib ketishgan.

https://www.instagram.com/p/BqRt0jLAeIY/?utm_source=ig_embed