Argentina harbiy-dengiz kuchlari 2017-yil noyabr oyida yo‘qolib qolgan “San-Xuan” suvosti kemasi Atlantika okeani tubidan topilganini e’lon qildi. Kema bortida 44 kishi bo‘lgan, deb yozadi Meduza.
Clarin nashrining yozishicha, suvosti kemasi 800 metr chuqurlikdan, AQShning Seabed Constructor kemasi suvosti qurilmalari yordamida topilgan. Qayd etishlaricha, o‘tgan yili taxminan shu joyda portlashga o‘xshash ovoz qayd etilgan edi.
15-noyabr kuni “San-Xuan” suvosti kemasida bo‘lgan dengizchilarning yaqinlari kema yo‘qolganining bir yilligi munosabati bilan xotira tadbirini o‘tkazgan edi.
#ARASanJuan #LaBúsquedaContinúa Actualización: La empresa informó nuevo punto de interés en el Sitio 1 área 15A-4, a 800 mts de profundidad. El punto de interés tiene una dimensión de 60 mts de longitud. Hora de arribo al área para iniciar investigación 19:00 hs aproximadamente. pic.twitter.com/l5k8p8Zjye
— Armada Argentina (@Armada_Arg) November 16, 2018
“San-Xuan” suvosti kemasi Argentina harbiy-dengiz bazasiga qaytish vaqtida, 2017-yil 15-noyabr kuni yo‘qolib qolgan edi. Suvosti kemasi bilan bo‘lgan so‘nggi aloqa seansidan so‘ng u bo‘lishi mumkin bo‘lgan hududda portlashga o‘xshash ovoz qayd etilgan edi.
Kemaga aynan nima bo‘lgani hozirgacha ham ma’lum emas. Qidiruv operatsiyasi bir necha hafta davom etgan, biroq 2017-yil dekabrida to‘xtatilgan edi.
Izoh (0)