7-noyabr, chorshanba kuni Yevropa Chempionlar Ligasining 4-turida Madridning “Real” jamoasi safarda Chexiyaning “Viktoriya” klubini 5:0 hisobida mag‘lub etdi.
Mazkur o‘yinda fransiyalik hujumchisi Karim Benzema 2 ta gol urib, dublga erishdi. Natijada Karim Chempionlar Ligasining 21 ta o‘yinida 2 va undan ortiq gol urgan 4-raqamli o‘yinchi sifatida musobaqa tarixidan o‘rin oldi. Hozirgacha Krishtianu Ronaldu (54 o‘yinda), Leo Messi (44) va Raul (26) 21 tadan ko‘proq o‘yinlarda 2 va undan ortiq gol urishga muvaffaq bo‘lgan.
Shuningdek, 30 yoshli hujumchi “Real” safida barcha musobaqalarni hisobga olganda 200 hamda 201-gollarini kiritdi. Karim shu tariqa “Real” tarixidagi 7-raqamli eng yaxshi to‘purarga aylandi.
“Real Madrid”ning barcha davrlardagi to‘purarlari ro‘yxati quyidagicha:
- Krishtianu Ronaldu — 450 ta gol
- Raul Gonsales — 323 ta gol
- Alfredo Di Stefano — 308 ta gol
- Santilyana — 290 ta gol
- Ferens Pushkash — 242 ta gol
- Ugo Sanches — 208 ta gol
- Karim Benzema — 201 ta gol
Izoh (0)