7 ноябрь, чоршанба куни Европа Чемпионлар Лигасининг 4-турида Мадриднинг «Реал» жамоаси сафарда Чехиянинг «Виктория» клубини 5:0 ҳисобида мағлуб этди.
Мазкур ўйинда франциялик ҳужумчиси Карим Бензема 2 та гол уриб, дублга эришди. Натижада Карим Чемпионлар Лигасининг 21 та ўйинида 2 ва ундан ортиқ гол урган 4-рақамли ўйинчи сифатида мусобақа тарихидан ўрин олди. Ҳозиргача Криштиану Роналду (54 ўйинда), Лео Месси (44) ва Рауль (26) 21 тадан кўпроқ ўйинларда 2 ва ундан ортиқ гол уришга муваффақ бўлган.
Шунингдек, 30 ёшли ҳужумчи «Реал» сафида барча мусобақаларни ҳисобга олганда 200 ҳамда 201-голларини киритди. Карим шу тариқа «Реал» тарихидаги 7-рақамли энг яхши тўпурарга айланди.
«Реал Мадрид»нинг барча даврлардаги тўпурарлари рўйхати қуйидагича:
- Криштиану Роналду — 450 та гол
- Рауль Гонсалес — 323 та гол
- Алфредо Ди Стефано — 308 та гол
- Сантильяна — 290 та гол
- Ференц Пушкаш — 242 та гол
- Уго Санчес — 208 та гол
- Карим Бензема — 201 та гол
Изоҳ (0)