Mail.ru Group direktorlar kengashi tarkibi o‘zgardi: unga internet-xolding bosh direktor Boris Dobrodeyev va uning o‘rinbosari Dmitriy Sergeyev kirdi. Bu haqda “Vedomosti” xabar bermoqda.
Kengashda jami 10 nafar direktor bo‘lib, ulardan 5 nafari oldin Alisher Usmonovning USM xoldingi va u bilan bog‘liq “Megafon” operatori vakillaridan iborat edi. Endi USM Mail.ru Group nazoratchi aksiyadori maqomini yo‘qotdi: Usmonov xolding boshqaruvini uning top-menedjerlari va sheriklariga berdi.
“Kompaniyani topshirishga oxirgi yillar mobaynida tayyorgarlik ko‘rib kelgandim. Yuqori texnologiyali kompaniyalarni yosh avlod — zamonaviy raqamli biznes rivojlanishi trendlarini chuqur his etadigan iste’dodli va yuksak marralarni ko‘zlagan kishilar boshqarishi kerakligiga ishonchim komil”, — deyiladi biznesmenning USM tomonidan tarqatilgan bayonotida.
Mail.ru Group direktorlar kengashi va kapitali tarkibining o‘zgarishi Usmonov AQSh sanksiyalariga duch kelishi bilan bog‘liq xatarlarning mazkur internet-xoldingga tarqalishi xavfini keskin kamaytiradi.