Fotogalereya: Bugungi kunda yo‘qolib ketgan kasblar

Hech narsa abadiy emas, shu jumladan, odamlarning mashg‘ulotlari ham. Qo‘l mehnati mashinalar, aqliy mehnat esa kompyuter tomonidan egallanmoqda. AdMe bugungi kunda yo‘qolib ketgan kasblarga e’tibor qaratdi.

Odam budilnik

Bu kasb Buyuk Britaniyada sanoat inqilobi vaqtida tarqalgan va mamlakatning ba’zi hududlarida 1970-yilgacha mavjud bo‘lgan.

Suv tashuvchi

Shaharlarda markaziy suv ta’minoti tizimi paydo bo‘lguniga qadar odamlar suvni o‘zlari tashigan yoki suv tashuvchi xizmatidan foydalangan. Bugungi kunda esa suv yetkazib berish xizmatlari faoliyat ko‘rsatmoqda.

Mashinistka

Mazkur kasb 1990-yillarda, yozuv mashinasi o‘rnini kompyuter va printerlar egallaganda yo‘qolib ketgan.

Chiroq yoquvchi

London ko‘chalarida 1417-yilda shahar merining topshirig‘iga binoan ko‘cha chiroqlari o‘rnatilgan, keyinchalik bu yangilik butun Yevropaga tarqalgan. Chiroqlarni yoqish, o‘chirish, ularga yoqilg‘i quyish va ularni tozalash bilan chiroqchilar shug‘ullangan. Mazkur kasb XIX asrning o‘rtalarigacha, chiroqlar gazda avtomatik tarzda yonadigan bo‘lgunga qadar mavjud bo‘lgan.

Izvoshchi

Bugungi kunda shaharlarda izvoshchilarning vazifalarini taksichilar bajarmoqda. Shunday bo‘lsa ham, ba’zi shaharlarda arava xizmatlaridan foydalanish mumkin.

Telefonchi

Avtomatik telefon stansiyalarning yaratilguniga qadar abonentlarni telefonchi qizlar bog‘lab bergan. Bu kasb nufuzli hisoblangan va unga yaxshi oilalarning yoqimli ovozga, kelishuvchan xarakterga ega va bo‘yi baland qizlar qabul qilingan.

Fabrikadagi lektor

Fabrikalarda ishchilar bir xil tondagi ish vaqtida rivojlanishi uchun lektorlar kitob yoki gazeta o‘qib bergan.

Lattachi

XIX—XX asrlarda Yevropa, Rossiya imperiyasi va AQShda latta-putta va lash-lushlarni sotib oluvchilar ishlagan. Sotib olingan latta, qog‘oz, arqon qayta ishlangan va qaytadan mato va qog‘oz ishlab chiqarilgan.

Muz tashuvchi

Ko‘plab mamlakatlarda issiq fasllarda muz tayyorlsh va saqlash amaliyoti mavjud bo‘lgan, biroq XIX asrda muz sotish bo‘yicha sanoat paydo bo‘lgan.

Pinsetter (Bovling sharlarini teruvchilar)

Pinsetter yoki pinspotterlar bovling keglilarini terish va sharlarni o‘yinchilarga qaytaruvchilar bo‘lgan. 1938-yilda pinspotter mashinalar yaratilgach, bu kasb egalariga ehtiyoj qolmagan.

Odam-kompyuter

Superkompyuterlar paydo bo‘lguniga qadar hisoblash ishlari bilan odamlar, asosan, ayollar shug‘ullangan.