O‘zbekiston Respublikasi Ichki ishlar vazirligining 2-Toshkent akademik litseyida IIV akademiyasi yoshlar ittifoqi boshlang‘ich tashkiloti tomonidan “Yoshlar — kelajak bunyodkori” shiori ostida tadbir bo‘lib o‘tdi, deb yozadi O‘zA.
Shavkat Mirziyoyevning 2017-yil 6-iyuldagi “Yoshlarga oid davlat siyosati samaradorligini oshirish va O‘zbekiston yoshlar ittifoqi faoliyatini qo‘llab-quvvatlash to‘g‘risida”gi farmonida belgilangan vazifalar ijrosini ta’minlash maqsadida tashkil etilgan tadbirda professor-o‘qituvchilar, o‘quvchi-yoshlar, kursantlar ishtirok etdi.
Tadbir davomida o‘quvchilar xizmat qasamyodini qabul qilish tartibi va akademiyada o‘qish jarayonlari bilan tanishtirildi.
Kursantlar tomonidan namunali chiqishlari namoyish etildi, akademiya badiiy havaskorlik to‘garagi a’zolarining vatanni madh etuvchi kuy-qo‘shiqlari o‘quvchilarga zavq bag‘ishladi.
Izoh (0)