Ўзбекистон Республикаси Ички ишлар вазирлигининг 2-Тошкент академик лицейида ИИВ академияси ёшлар иттифоқи бошланғич ташкилоти томонидан «Ёшлар — келажак бунёдкори» шиори остида тадбир бўлиб ўтди, деб ёзади ЎзА.
Шавкат Мирзиёевнинг 2017 йил 6 июлдаги «Ёшларга оид давлат сиёсати самарадорлигини ошириш ва Ўзбекистон ёшлар иттифоқи фаолиятини қўллаб-қувватлаш тўғрисида»ги фармонида белгиланган вазифалар ижросини таъминлаш мақсадида ташкил этилган тадбирда профессор-ўқитувчилар, ўқувчи-ёшлар, курсантлар иштирок этди.
Тадбир давомида ўқувчилар хизмат қасамёдини қабул қилиш тартиби ва академияда ўқиш жараёнлари билан таништирилди.
Курсантлар томонидан намунали чиқишлари намойиш этилди, академия бадиий ҳаваскорлик тўгараги аъзоларининг ватанни мадҳ этувчи куй-қўшиқлари ўқувчиларга завқ бағишлади.
Изоҳ (0)