Tuyamo‘yin suv ombori, Ellikqal’a va Bo‘ston kanallarida zamonaviy kuzatuv va boshqaruv tizimi o‘rnatiladi

Suv xo‘jaligi tizimiga zamonaviy axborot-kommunikatsiya va innovatsion texnologiyalarning joriy etilishini ta’minlash chora-tadbirlari to‘g‘risidagi hukumat qarori qabul qilindi. Bu haqda Adliya vazirligi xabar bermoqda.

Qaror bilan suv xo‘jaligi tizimiga zamonaviy axborot-kommunikatsiya va innovatsion texnologiyalarni joriy etish bo‘yicha kompleks chora-tadbirlar tasdiqlandi.

Markaziy dispetcherlik, kommunikatsiya va kadastr xizmatida suv sarfi va boshqa ko‘rsatkichlar bo‘yicha yagona ma’lumotlar bazasini yaratish uchun maxsus server, katta videoekran (multi displey), zamonaviy kompyuter, plotter, proyektor, printer va boshqa uskunalar bilan jihozlanadi.

Endilikda Tuyamo‘yin suv ombori, Ellikqal’a va Bo‘ston kanallarida Jahon banki mablag‘lari hisobidan zamonaviy kuzatuv va boshqaruv tizimi o‘rnatiladi.

BMTning oziq-ovqat va qishloq xo‘jaligi tashkiloti dasturlari amalga oshiriladi.

Bundan tashqari, suv resurslaridan foydalanish va ularni boshqarish, shuningdek, suv xo‘jaligi inshootlaridan foydalanishda zamonaviy mobil ilovalar va veb-sahifalardan foydalaniladi.