Toshkentda “Tasanno – 2018” milliy taomlar festivali o‘tkazildi

14-sentabr kuni Toshkent shahrida an’anaviy “Tasanno – 2018” milliy taomlar xalqaro festivali o‘tkazildi, deb yozadi O‘zA.

“Vazirlar Mahkamasi huzuridagi Millatlararo munosabatlar va xorijiy mamlakatlar bilan do‘stlik aloqalari qo‘mitasi hamda qator tashkilotlar hamkorligida amalga oshirilayotgan mazkur loyiha xorijiy mamlakatlar bilan madaniy-ma’rifiy hamkorlikni rivojlantirish, turli xalqlar tarixi, urf-odat va an’analari, san’ati va madaniyati bilan yaqindan tanishish, do‘stlik rishtalarining yanada mustahkamlanishiga xizmat qilishi bilan ahamiyatlidir.

Festival dasturidan milliy taomlar tanlovi, turli xil xalqlarning urf-odatlari namoyishi, badiiy jamoalari ishtirokidagi chiqishlar va boshqa yana ko‘plab tadbirlar o‘rin olgan”, — deyiladi xabarda.