Surxondaryoda Nexia velosipeddagi fuqarolarni urib yuborishi oqibatida 2 kishi halok bo‘ldi

23-avgust kuni Surxondaryo viloyatining Angor tumanida yashovchi M.P. Nexia rusumli avtomashinasida velosipeddagi ikki nafar fuqaroni urib yuborishi oqibatida ularning har ikkalasi halok bo‘ldi. Bu haqda O‘zbekiston Respublikasi Ichki ishlar vazirligining matbuot xizmati xabar berdi.

M.P. “Navbahor” MFY hududidan o‘tuvchi Qorasuv—Angor yo‘lining  3-kilometrida haydab ketayotib, yo‘lning qatnov qismini kesib o‘tayotgan velosipeddagi  fuqarolar B.H. va Q.A.ni urib yuborgan.

Oqibatda ikkala fuqaro ham jarohat olib, voqea joyida halok bo‘lgan.