“Lukoyl” gaz qazib olishni 20 foizga oshirdi. O‘sishning asosiy omili — O‘zbekiston

Rossiyaning “Lukoyl” kompaniyasi gaz gazib olish hajmini 20 foizga oshirdi, deb yozadi Spot kompaniya hisobotiga tayanib.

Gaz ishlab chiqarish 2018-yilning birinchi yarim yilligida 16,1 milliard kub. metrni tashkil qilgan, bu 2017-yilning shu davriga nisbatan 20 foizga ko‘p demakdir.

2018-yilning ikkinchi choragida 8,1 milliard kub. metr gaz qazib chiqarildi, bu bir sutkalik o‘rtacha hisobda 2018-yil birinchi choragidagi darajaga mos keladi.

“Gaz qazib chiqarishning o‘sishiga asosan O‘zbekistondagi loyihalarning muvaffaqiyatli rivojlantirilishi sabab bo‘ldi”, — deyiladi xabarda.

“Qandim” va “Hisor” loyihalarida yangi quvvatlarning ishga tushirilishi natijasida, joriy yilning birinchi yarmida gaz qazib olish hajmi 6,1 milliard kub. metrga oshdi, bu 2017-yilning birinchi yarmiga nisbatan ikki baravar ko‘pdir.