Angliya premyer-ligasida yangi mavsumga start berildi. 2018/19-yilgi mavsumni “Manchester Yunayted” va “Lester” jamoalari o‘rtasidagi bellashuv ochib berdi. “Old Trafford” mezbonlik qilgan 1-tur uchrashuvida Joze Mourinyo shogirdlari 2:1 hisobida g‘alaba qozondi.
Bugun 1-tur uchrashuvlari davom ettirilmoqda. Tur doirasida 6 uchrashuv bo‘lib o‘tishi rejalashtirilgandi. Shulardan beshtasi o‘z nihoyasiga yetdi.
Kunning dastlabki o‘yinida Rafa Benites boshchiligidagi “Nyukasl”, Maurisio Pochettino rahbarligidagi “Tottenhem”ga qarshi kurash olib bordi. Bahs 1:2 hisobida “shporlar” foydasiga hal bo‘ldi. “Tottenhem”ning gollari Yan Vertongen va Dele Alli nomiga yozilgan bo‘lsa, “Nyukasl”ning javob goli Xoselu tomonidan kiritildi.
Yangi bosh murabbiy — Mauritsio Sarri boshliq “Chelsi” mehmonda “Haddersfild”ga qarshi maydonga tushib, yirik 3:0 hisobida g‘alabaga erishdi. “Aristokratlar”ning gollari Ngolo Kante, Jorjinyo hamda Pedro Rodriges tomonidan kiritildi.
Yana bir uchrashuvda APLga qaytgan “Vulverhemton” o‘z maydonida “Everton”ni qabul qiladi. Uchrashuvni 21:30 dan boshlab Futbol-TV jonli translyatsiya qilishni boshlaydi.
Angliya premyer-ligasi
1-tur bellashuvlari
11- avgust, shanba
Izoh (0)