Yaqinda DV-2019 (“Grin karta”) viza lotereyasi natijalari e’lon qilindi, unga ko‘ra, sobiq ittifoqning 20 mingga yaqin aholisi AQShda yashash uchun ruxsatnomaga ega bo‘ldi, deb yozadi Forum Daily.
Dastlabki norasmiy ma’lumotlarga ko‘ra, sobiq ittifoq mamlakatlari ichida eng ko‘p — taxminan 4500 ta grin kartani o‘zbekistonliklar qo‘lga kiritgan. Rossiya va Ukraina fuqarolari 4400 tadan grin karta bilan keyingi o‘rinda joylashdi.
Uchinchi o‘rinni Armaniston egalladi — 2800 ta grin karta. Beloruslar 1400, tojiklar 1200, gruzinlar 1100, qozoqlar 1000 ta, ozarbayjonlar 900 dan sal oshiq grin kartani qo‘lga kiritdi. Turkmaniston hisobiga 300 ta grin karta to‘g‘ri keldi. Sobiq ittifoq mamlakatlari orasida eng kam ko‘rsatkich Estoniyada kuzatildi: u yerda bor-yo‘g‘i 60 kishi grin karta yutib oldi.
Izoh (0)