Butunjahon boks seriyasi (WSB) da O‘zbekiston sharafini himoya qiluvchi Uzbek Tigers jamoasiga yangi rahbar tayinlandi. Kecha, 31-iyul kuni Milliy olimpiya qo‘mitasida jamoaning yangi rahbari ommaga tanishtirildi.
Unga ko‘ra ayni paytda jiu-jitsu federatsiyasi raisi sifatida faoliyat olib borayotgan Komiljon Ro‘ziyev jamoaning menejeri sifatida ish yuritadigan bo‘ldi.
AIBA tomonidan tashkil qilingan Butunjahon boks seriyasi (WSB) musobaqalarida O‘zbekiston sharafini Uzbek Tigers jamoasi himoya qiladi. Ushbu bahslar orqali bokschilar Olimpiya o‘yinlari litsenziyasiga ham ega bo‘lishlari mumkin bo‘ladi.
“Ishonch uchun minnatdorchilik bildiraman. Umid qilamanki, kelajakda bokschilarimiz Olimpiya o‘yinlarida ishtirok etishadi va O‘zbekistonga oltin medallar bilan qaytishadi. Jamoaning kuchayishi uchun qo‘limdan kelgan barcha ishni qilaman”, – dedi Komiljon Ro‘ziyev.
Izoh (0)