Инвестицион таклифларни очиқ муҳокама қилиш ягона платформасининг йиғилиши бўлиб ўтди

Чет эл ва маҳаллий сармоядорларнинг инвестицион таклифларини очиқ муҳокама қилиш учун 19 июль куни International меҳмонхонасининг Cristal Ballroom конференц-залида ёқилғи-энергетика комплекси, кимё, нефть-кимё, металлургия ва тоғ-кон саноати масалаларига бағишланган иккинчи учрашув бўлиб ўтди. Бу ҳақда Инвестициялар бўйича давлат қўмитаси матбуот хизмати «Дарё»га хабар берди.

Тадбир Ўзбекистон Республикаси Инвестициялар бўйича давлат қўмитаси томонидан ташкил этилди.

Ягона платформанинг биринчи йиғилишида ўрнатилган анъанага кўра, Дилмурод Қосимов, Ўзбекистон Президенти ҳузуридаги Тадбиркорлар ҳуқуқ ва манфаатларини ҳимоя қилиш бўйича вакили анжуманнинг модератор бўлди.

Учрашув мавзуига мувофиқ, тадбирда Геология ва минерал ресурслар қўмитаси раисининг биринчи ўринбосари Аъзам Қодирхўжаев,  «Ўзкимёсаноат»  акциядорлик компанияси бошқаруви раиси ўринбосари Шавкат Набиев, «Ўзбекэнерго» АК бошқарув раисининг ўринбосари Шуҳрат Шералиев ва Улуғбек Сайидов , «Ўзбекнефтгаз» АК бошқарув раисининг биринчи ўринбосари иштирок этди.

Ушбу давлат ва хўжалик бошқаруви органларининг раҳбарлари тармоқнинг инвестиция салоҳиятига бағишланган тақдимотларни тақдим этиб, инвесторлар учун ишлаб чиқилган инвестиция лойиҳалари ҳақида сўзлаб берди.

Экспертларнинг баҳоларига кўра, мамлакат Марказий Осиёдаги барча минерал захираларнинг учдан бирига эгадир ва дунёнинг энг йирик 20 газ ишлаб чиқарувчилардан бири бўлиб, узоқ муддатли инвестиция лойиҳаларини амалга ошириш имконини беради. «Ўзбекнефтегаз» АКнинг йирик ишлаб чиқариш объектлари орасида Бухоро ва Фарғона нефтни қайта ишлаш заводлари, Муборак ГПП, Шўртан ва Устюрт газ-кимё мажмуалари ва бошқалар.

Жорий йилнинг апрель ойида Қандим конлар гуруҳидаги газни қайта ишлаш комплексини ишга тушириш маросими бўлиб ўтди.

«Ўзбекнефтегаз»нинг LUKOIL, «Газпром», CNPC, KNOC каби йирик нефть компаниялари билан ҳамкорлиги ривожланмоқда.

Ягона платформанинг йиғилиши якунида Ўзбекистон Республикаси Инвестициялар бўйича давлат қўмитаси томонидан тасдиқланганидек, Тошкент шаҳар ҳокимияти вакили Б. Холматовнинг «Тошкент шаҳрида инвестицион лойиҳалар учун ер майдонларини ажратиш тартиби» мавзусидаги тақдимоти доирасида инвестиция лойиҳаларини амалга ошириш учун ҳудудларни тақсимлаш тартиби муҳокама қилинди.

Тадбир иштирокчилари уларни қизиқтирган саволларга жавоб олиш имкониятига эга бўлди. Хорижий ва маҳаллий сармоядорларнинг инвестицион таклифларини очиқ муҳокама ягона платформасининг навбатдаги «Енгил саноат» мавзусидаги йиғилиши 26 июль куни бўлиб ўтади.