O‘zbekistonda traktorlar ishlab chiqaruvchi yana bir korxona ish boshladi

Rossiya traktorsozlik zavodining O‘zbekistondagi dileri Road Building Techniques korxonasi Toshkentda B10M buldozerini yig‘ishni boshladi. Bu haqda “Xalq so‘zi” xabar bermoqda.

O‘zaro kelishuvga ko‘ra, korxona yil davomida Chelyabinsk traktor zavodi traktorlarining butun boshli turkumini yig‘ishni boshlaydi. Shartnomaga ko‘ra, ikki turdagi mexanik transmissiyali B10M va T10MB traktorlari tayyorlanadi.

“O‘zbekistonning traktorsozlik bo‘yicha ishlab chiqarish bazasi mavjud, tajribali mutaxassislari bor. Hozir o‘zbek korxonasi yig‘ish texnologiyasini takomillashtirmoqda va sertifikatsiya masalalarini hal qilmoqda. Shundan so‘ng traktorga maxsus yorliq qo‘yiladi va u O‘zbekiston—Rossiya mahsulotiga aylanadi. Bu texnika import hisoblanmaydi hamda xalqaro tender va tanlovlarda O‘zbekistonning milliy mahsuloti sifatida taqdim etiladi”, — deydi kompaniya vakili.

Hozirga qadar Chelyabinsk traktor zavodi mahsulotlari Belarus, Ukraina, Qozog‘iston va Qirg‘izistonda yig‘ib kelinayotgan edi. O‘zbekiston bu ro‘yxatga beshinchi bo‘lib qo‘shildi.