JCh—2018. Urugvay Rossiyani tor-mor etib, guruhda birinchi bo‘ldi, Misr esa Saudiya Arabistoniga mag‘lub bo‘ldi
Bugun, 25-iyun sanasida futbol bo‘yicha Rossiya maydonlarida bo‘lib o‘tayotgan Jahon Chempionatining 3-tur o‘yinlari boshlandi.
Yakunlovchi turning dastlabki bahslaridan biri keyingi bosqich masalasini muddatidan oldin hal etgan jamoalar — Urugvay va Rossiya termalari o‘rtasida kechdi. Mazkur uchrashuv guruh g‘olibi nomiga aniqlik kiritishi kerak edi.
Uchrashuvda hisob Luis Suares tomonidan 10-daqiqadayoq ochildi. U jarima zarbasidan Akinfeyev darvozasini ishg‘ol qildi. Ikkinchi gol esa Diyego Laksaltning faolligi evaziga yuzaga keldi. “Jenoa” yarim himoyachisining 23-qaqiqadagi zarbasidan so‘ng to‘p yo‘l-yo‘lakay Denis Cherishevga tegib darvoza borib tushdi.
Uchrashuvga yakuniy nuqtani 90-daqiqada Edinson Kavani qo‘ydi. Yakunda Janubiy amerikaliklar g‘alaba qozonib, o‘z ochkolari sonini 9 taga yetkazib oldi.
Shu tariqa Urugvay “A” guruhida 1-o‘ringa ega chiqdi. Rossiya esa guruh bosqichini ikkinchi o‘rinda yakunladi. Bugun ikkala jamoa ham “B” guruhi o‘yinlari yakuniga yetgach o‘z raqiblarini bilib oladi.
Guruhning qolgan ikki jamoasi — Saudiya Arabistoni hamda Misr rasmiyatchilik uchun maydonga tushgan o‘yin saudiyaliklarning 2:1 hisobidagi g‘alabasi bilan tugadi. Shu tariqa Saudiya Arabistoni mundialni 3 ochko bilan, Misr esa birorta ochkosiz yakunlab, o‘z uylariga qaytadigan bo‘ldi.
Jahon Chempionati
“A” guruhi, 3-tur bellashuvlari
25-iyun, dushanba
Urugvay—Rossiya 3:0
Gollar: 1:0 – 10 Luis Suares 2:0 – 38, avtogol Denis Cherishev, 3:0 – 90 Edinson KavaniUrugvay: Muslera, Kaseres, Koates, Godin, Laksalt, Torreyra, Nandes (Rodriges, 73), Vesino, Bentankur (de Arraskaeta, 63), Kavani (Maksi Gomes, 90), Suares.
Rossiya: Akinfeyev, Smolnikov, Kutepov, Ignashevich, Kudryashov, Zobnin, Gazinskiy (Kuzyayev, 46), Samedov, Miranchuk (Smolov, 60), Cherishev (Fernandes, 38), Dzyuba.
Ogohlantirishlar: Gazinskiy (9), Smolnikov (28), Bentankur (59).
Chetlatish: Smolnikov (36).
Saudiya Arabistoni—Misr 2:1
Gollar: 0:1 — 22 Muhammad Saloh, 1:1 — 45+3, penalti Salmon al-Farij, 2:1 — 90+4 Salim al-Dosari.Saudiya Arabistoni: Al-Mosaylem, Xausaui, Al-Shaxrani, Al-Breyk, Xausaui, Al-Mogaui, Otayf, Al-Faraj, Bahebri (Asseri, 65), Al-Dosari, Al-Muvallad (Al-Shehri, 79).
Misr: al-Hadari, Gabr, Abdul-Shafi, Fathi, Hegazi, al-Nenni, Hamed, al-Said (Uarda, 45), Trezege (Qahrabo, 81), Muhsin (Sobhi, 64), Saloh.
Ogohlantirishlar: Gabr (45), Fathi (86).
