31-maydan 3-iyunga qadar Fransiyaning Parij shahridagi etnografiya muzeyida taniqli o‘zbek rassomi va rejissori Saodat Ismoilovaning “Qirq qiz” spektakli namoyishi etildi. Bu haqda Madaniyat vazirligi qoshidagi madaniyat va san’atni rivojlantirish fondining Facebook sahifasida xabar qilindi.
Loyiha Og‘a Xon fondi, Le Fresnoy zamonaviy san’at milliy markazi (Fransiya), Bruklin musiqa akademiyasi, Xopkins markazi va Dartmund kolleji (AQSh) hamkorligida tashkil qilingan.
Loyihada bastakor Dmitriy Yanov-Yanovskiy, ssenarist Ulug‘bek Sodiqov, rassom Komila Qurmonbekova, liboslar dizayneri Hilola Sher ishtirok etdi.
Vokal partiyasida rollarni Gumisoy Berdixonova (g‘ijjak), Gumshagul Bekturganova (dutor, vokal), Aziza Davrova (vokal, doira) va boshqalar ijro etdi. Aktrisa Oysanam Yusupova bosh qahramon—Guloyim obrazini yaratgan.