30-mayning e’tiborga molik yangiliklari — “Daryo”ning kechki dayjestida.
1. Shavkat Mirziyoyev “Rosatom” bosh direktorini qabul qildi. Bosh direktor Lixachyovning ma’lum qilishicha, O‘zbekiston tomoni Navoiy viloyatida AES qurishni taklif qilgan.
2. Vladimir Putin kuzda O‘zbekistonga keladi. Bundan tashqari, bu yil O‘zbekistonga Hindiston bosh vaziri Narendra Modi boshchiligidagi delegatsiya kelishi ham aytilmoqda.
3. Kiyevda rossiyalik jurnalist Arkadiy Babchenkoni otib ketishdi. Keyinroq esa u tirik bo‘lib chiqdi. Uning “o‘limi” Ukraina maxsus xizmatlarining operatsiyasi ekan.
4. O‘zbekistonda 2021-yil 1-yanvardan boshlab eski namunadagi haydovchilik guvohnomalari haqiqiy emas deb topiladi. Yangi namunadagi milliy haydovchilik guvohnomasi 10 yil muddatga beriladi.
5. Namanganning mashhur Telegram-kanali adminlari tovlamachilik ustida qo‘lga olindi. Bu haqda hatto Rossiyaning eng mashhur Telegram-kanallarida ham yozishdi.
6. Toshkentda avtomobilni hujjatsiz boshqarayotgan haydovchi va uning yaqinlari YPX inspektorlariga tashlandi. Aytishlaricha, hujum qilgan shaxslar hokimiyat vakilining pogonlarini yulib olishga ham harakat qilgan.
7. Toshkentda YPX xodimlari formaga taqiladigan kameralarni sinovdan o‘tkazmoqda. Bu kelajakda yuqoridagi kabi hujumlarning ham oldini olishga yordam beradi.
8. Qozog‘istonda 13 nafar o‘zbekistonlik jinoiy javobgarlikka tortildi. Ular Qozog‘iston hududida noqonuniy muhojir maqomida bo‘lgan.
9. AQShda besh marotaba yil shifokori deb topilgan nukuslik Joldas Quljonov O‘zbekistonga keldi. Uni O‘zbekiston sog‘liqni saqlash vaziri Alisher Shodmonov qabul qildi.
10. Namanganda o‘qituvchilarni haqorat qilgan yuridik kollej direktori jazolandi. Sud uni Jinoyat kodeksining 130-moddasi 3-qismi “a” bandiga ko‘ra aybli deb topgan va jarima solgan.
11. Xorazmlik firibgar namanganlik “ishsiz”ni 12 mlrd so‘m va 730 ming dollarga chuv tushirdi. U shuncha miqdordagi pulni “birga tadbirkorlik qilamiz” deb olgan va qaytarib bermagan.
Izoh (0)