30 майнинг эътиборга молик янгиликлари — «Дарё»нинг кечки дайжестида.
1. Шавкат Мирзиёев «Росатом» бош директорини қабул қилди. Бош директор Лихачёвнинг маълум қилишича, Ўзбекистон томони Навоий вилоятида АЭС қуришни таклиф қилган.
2. Владимир Путин кузда Ўзбекистонга келади. Бундан ташқари, бу йил Ўзбекистонга Ҳиндистон бош вазири Нарендра Моди бошчилигидаги делегация келиши ҳам айтилмоқда.
3. Киевда россиялик журналист Аркадий Бабченкони отиб кетишди. Кейинроқ эса у тирик бўлиб чиқди. Унинг «ўлими» Украина махсус хизматларининг операцияси экан.
4. Ўзбекистонда 2021 йил 1 январдан бошлаб эски намунадаги ҳайдовчилик гувоҳномалари ҳақиқий эмас деб топилади. Янги намунадаги миллий ҳайдовчилик гувоҳномаси 10 йил муддатга берилади.
5. Наманганнинг машҳур Telegram-канали админлари товламачилик устида қўлга олинди. Бу ҳақда ҳатто Россиянинг энг машҳур Telegram-каналларида ҳам ёзишди.
6. Тошкентда автомобилни ҳужжатсиз бошқараётган ҳайдовчи ва унинг яқинлари ЙПХ инспекторларига ташланди. Айтишларича, ҳужум қилган шахслар ҳокимият вакилининг погонларини юлиб олишга ҳам ҳаракат қилган.
7. Тошкентда ЙПХ ходимлари формага тақиладиган камераларни синовдан ўтказмоқда. Бу келажакда юқоридаги каби ҳужумларнинг ҳам олдини олишга ёрдам беради.
8. Қозоғистонда 13 нафар ўзбекистонлик жиноий жавобгарликка тортилди. Улар Қозоғистон ҳудудида ноқонуний муҳожир мақомида бўлган.
9. АҚШда беш маротаба йил шифокори деб топилган нукуслик Жолдас Қулжонов Ўзбекистонга келди. Уни Ўзбекистон соғлиқни сақлаш вазири Алишер Шодмонов қабул қилди.
10. Наманганда ўқитувчиларни ҳақорат қилган юридик коллеж директори жазоланди. Суд уни Жиноят кодексининг 130-моддаси 3-қисми «а» бандига кўра айбли деб топган ва жарима солган.
11. Хоразмлик фирибгар наманганлик «ишсиз»ни 12 млрд сўм ва 730 минг долларга чув туширди. У шунча миқдордаги пулни «бирга тадбиркорлик қиламиз» деб олган ва қайтариб бермаган.
Изоҳ (0)