28-may kuni Romitan tumanida noma’lum shaxs “Attoron” MFYda yashovchi ayolning uyiga deraza orqali kirib, uning pullarini o‘marib ketgan. Bu haqda O‘zbekiston Respublikasi IIV Jamoatchilik va ommaviy axborot vositalari bilan aloqalar boshqarmasi xabar berdi.
Ma’lumotlarga ko‘ra, Buxoro viloyatining Romitan tumanida yashovchi ayolning uyiga kirgan shaxs mexmonxonadan 100 000 so‘m pulni, shuningdek, 250 AQSh dollari va 500 Rossiya rublini o‘g‘irlab ketgan.
Ko‘rilgan choralar natijasida ushbu jinoyatni jabrlanuvchi ayol bilan birga yashaydigan, hozirda kollej o‘quvchi bo‘lgan nabirasi sodir etganligi aniqlanib ushlangan.
Izoh (0)