2018-yil 1-iyuldan boshlab O‘zbekiston fuqarosining biometrik bo‘lmagan (eski namunadagi) pasportlari amal qilishni to‘xtatadi. Belgilangan muddatda pasportini almashtirishga ulgurmagan fuqarolar ma’muriy javobgarlikka tortiladi.
Shu munosabat bilan, Toshkent shahar IIBB fuqarolardan pasportlarni vaqtida almashtirishni so‘radi. O‘z navbatida, aholiga qo‘shimcha qulaylik yaratish maqsadida Toshkent shahar IIBB Migratsiya va fuqarolikni rasmiylashtirish boshqarmasi va uning tuman bo‘limlari 26-maydan e’tiboran soat 08:00 dan xizmat ko‘rsatishni boshlaganini e’lon qildi (istisno — payshanba (profilaktika kuni), yakshanba va bayram kunlari).
Toshkent shahar IIBB Axborot multimedia markazidan ma’lum qilishlaricha, 26-may holatiga ko‘ra poytaxtda 1,78 milliondan ziyod fuqaro biometrik pasport olgan.
Jumladan, 25-may kuni Xalqlar do‘stligi maydonida 16 yoshga to‘lgan bir guruh o‘g‘il-qizlarga fuqarolik pasportlari tantana ravishda topshirilgan.
Izoh (0)