Farg‘ona viloyati Buvayda tumanida yangi madaniyat va istirohat bog‘i foydalanishga topshirildi. Bu haqda “Daryo” muxbiri Azizjon Ermatov xabar berdi.
13 gektardan ortiq hududni egallagan mazkur bog‘da aholining maroqli hordiq chiqarishi uchun barcha sharoit yaratilgan. Bog‘ hududida Xitoydan keltirilgan 40 ga yaqin zamonaviy attraksionlar o‘rnatilgan.
Musiqali va rangli favvoralar, 1000 o‘rinli yozgi amfiteatr, keksalar uchun dam olish maskani, qahvaxonalar, yoshlar markazi, sport o‘yingohlari, ekzotik va jonli burchak, mini futbol maydonchasi qurildi. Mazkur ishlar uchun 40 milliard so‘mdan ortiq mablag‘ sarflandi. Bog‘ foydalanishga topshirilgach, 60 nafar yoshlar ishli bo‘ldi.
Izoh (0)