La Ligada to‘purar bo‘lgan Messi 5-marta “Oltin butsa”ni ham o‘ziniki qildi

2017/18-yilgi mavsum yakuniga ko‘ra, “Barselona” hujumchisi Lionel Messi “Oltin butsa” sovriniga ham ega chiqdi.

Messi Ispaniya La Ligasida 36 ta o‘yinda 34 ta gol urishga muvaffaq bo‘ldi va shu tariqa 68 ochko to‘pladi. Ikkinchi o‘ringa esa “Liverpul” safida APLning 36 uchrashuvida 32 ta gol urga Muhammad Saloh joylashdi.

Ta’kidlash joiz, Lionel “Oltin butsa” sovrinini faoliyatida beshinchi bor yutmoqda. Bundan avval Messi 2010, 2012, 2013 hamda 2017-yillarda ham ushbu sovrinni o‘ziniki qilgan edi.

Ma’lumot uchun Top-5 chempionatlarda urilgan har bitta gol 2 ballik mezonda bahoga ega bo‘ladi.

Messining “Oltin butsa”ni qo‘lga kiritgan yillardagi statistikasi:

• 2009/10 — 34 ta goal
• 2011/12 — 50 ta goal
• 2012/13 — 46 ta goal
• 2016/17 — 37 ta goal
• 2017/18 — 34 ta goal