Avval xabar berilganidek, joriy yilning 10-may kuni Rossiya poytaxti Moskva shahrida Mehribonlik uylari o‘rtasida Jahon Chempionati start olgan edi.
Ushbu turnirda tarixda birinchi marotaba O‘zbekiston terma jamoasi ham ishtirok etdi. O‘zbekiston terma jamoasi guruhda Pokiston bilan 0:0 hisobida durang o‘ynadi, Rossiyani esa 2:0 hisobida mag‘lub etib guruhdan keyingi bosqichga chiqishga muvaffaq bo‘ldi.
Chorak finalda Jamshid Asadov shogirdlari Nepalni 2:1 hisobida taslim qilib yarim finalga yo‘l oldi. 14-may, dushanba kuni yarim final o‘yinida O‘zbekiston termasi Burundi bilan to‘qnash kelib, raqiblarini 1:0 hisobida yengib mundial finaliga chiqqan edi. Finalda esa Pokiston bilan to‘qnash kelishdi.
Hozirgina yakuniga yetgan final bahsida o‘zbekistonliklar Pokistonni penaltilar seriyasida 6:5 hisobida mag‘lub etib, Jahon chempionligini qo‘lga kiritdi.
Terma jamoa quyidagi tarkib bilan mundialda ishtirok etdi:
Darvozabon:
Islamov Sergey
Himoyachilar
Shaplov Danil
Ochilov Jahongir
Ergashboyev Toir
Yarim himoyachi
Kotov Ruslan
Karaxanyan Ruslan
Esenbayev Aziz
Shamshilov Edgar
Hujumchi
Son Salim
Bosh murabbiy: Asadov Jamshid
Izoh (0)