O‘zbekistonlik yosh rassomlar Italiyadagi xalqaro tanlovda yutuqli o‘rinlarni egalladi

Italiyaning Pezaro shahrida bo‘lib o‘tgan “O‘zbekiston – Italiya do‘stligi” va dunyo kompozitori J. Rossini tavalludining 150 yilligiga bag‘ishlangan ko‘rgazma va xalqaro tanlovda Respublika ixtisoslashtirilgan san’at maktab-internatining iqtidorli o‘quvchi yoshlari ham ishtirok etdi. Bu haqda O‘zA xabar bermoqda.

Tanlovda o‘nga yaqin davlatlardan kelgan 200 nafardan ortiq iqtidorli yosh ijodkorlar o‘zaro bellashdi.

O‘quvchilarning texnik mahoratlari, rangtasvir, grafika, chizmatasvir va, ayniqsa, tanlangan mavzu asosida ishlangan kompozitsiyalari yechimini yoritib bera olganliklari bilan hay’at a’zolarini e’tiboriga sazovor bo‘ldi.

Tanlov hay’ati a’zolari o‘zbekistonlik yosh rassomlar iqtidorini yuqori baholadi.

Tanlov yakuni bo‘yicha o‘rta guruhda Olimova Shahnoza I o‘rinni (rangtasvir), Muxamedjanova Jasmina II o‘rinni (rangtasvir), Nasrullayev Bexruz II o‘rinni (rangtasvir) egallab, tanlov g‘oliblari bo‘lib qaytdi.